Convenio de galeguización con Tanamañó

O Servizo de Normalización Lingüística impulsou a renovación do convenio de galeguización de Tanamañó, o único tanatorio que temos en Redondela.

O acto de sinatura desenvolveuse nas instalacións da empresa funeraria. Nel participaron o alcalde de Redondela, Javier Bas, e os representantes de Tanamañó Alfonso Pereira e Xosé Santos.

Con esta acordo a empresa comprométese a impulsa-lo uso do galego, a facilita-la documentación en lingua galega e a promove-lo seu uso en necrolóxicas, lápidas, correspondencia e e documentación administrativa interna.

Visita guiada cos clubs de lectura

O martes 24 de outubro os clubs de lectura, das bibliotecas de Redondela e Chapela, participaron nunha visita guiada pola exposición “Airiños, Aires, Rosalía”, de Xurxo Lobato.

No percorrido, o técnico de normalización explicoa a partir das fotografías a vida e obra rosalianas. Dende o tempo de infancia en Padrón e Compostela até os anos de Madrid.

Tamén houbo ocasión para ler algúns dos seus poemas máis célebres, analiza-los seus contidos e poñer en conexión a literatura galega coas correntes estéticas da Europa oitocentista.

 

Inauguración da exposición Airiños, Aires, Rosalía

O pasado luns 2 de outubro inaugurámo-la exposición fotográfica “Airiños, Aires, Rosalía”, do prestixioso profesional Xurxo Lobato.

No acton acompañounos o presidente da Fundación Rosalía de Castro, Anxo Angueira, que fixo unha ligazón entre Redondela e Padrón por medio de Rosalía.

Despois das demais palabras (técnico do SNL, concelleira de cultura e Alcalde), o fotógrafo Xurxo Lobato fixo unha visita didáctica e guiada da propia exposición.

EXPOSICION DE AIRIÑOS AIRES ROSALIA EN MULTIUSOS DE REDONDELA

Esta exposición será o marco ideal para desenvolver unha serie de actividades de normalización lingüística nas cales participarán alumnado das escolas públicas de Redondela, os clubes de lectura, as persoas participantes no Obradoiro Internacional de Tradución Poética e visitas guiadas ó público xeral.

Estará aberta, no Multiúsos da Xunqueira, dende o 2 até o 31 de outubro.