Exposición e conferencia sobre Carlos Casares

A Real Academia Galega decidiu que o Día das Letras Galegas 2017 fose para Carlos Casares, destacado escritor da nova narrativa galega.

O Concello de Redondela, dende os departamentos de cultura e normalización, súmase ás homenaxes e recoñecementos públicos. Por este motivo convoca á veciñanza de Redondela á inauguración dunha exposición sobre este autor, que se realizará o xoves 4 de maio ás 19:30h.

A continuación haberá unha mesa redonda con membros da Fundación Carlos Casares, co profesor Carlos López Bernárdez e presentado polo técnico do SNL de Redondela, Xurxo Martínez González.

A Orquestra de Saxos de Redondela pechará o acto.

Ó longo do mes haberá máis actividades coas que Redondela quere tributar memoria e recoñecemento ás letras galegas.