Máis recursos sobre Paz-Andrade

A CRTVG, a través das súas canles temáticas, contribúe tamén a espallar a figura de Valentín Paz-Andrade, e a afondar no coñecemento da súa vida e do seu tempo.

Aquí deixamos un vídeo dun programa especial adicado a Paz-Andrade, emitido pola TVG no ano 2002, recoñecendo o merecemento da Medalla Castelao que recibiu en 1984. Inclúese no espazo  “Galegos de Honra”, e presenta imaxes de arquivo do propio Paz-Andrade xunto con gravacións, nas que evoca as influencias recibidas na súa mocidade do intelectual galeguista Alfonso Rodríguez Castelao, e tamén do seu tío, o poeta Juan Bautista Andrade.

Ademais, a través desta ligazón, teremos acceso a unha biografía e a varios videos que nos achegan á personalidade dese multifacético persoeiro da nosa cultura.