Os quioscos tamén en galego

Dende hai uns días, a literatura en galego chega tamén aos quioscos galegos.

A iniciativa Lonxa de Letras é o novo proxecto da Rede Galega de Quioscos, que nace coa finalidade de achegar libros e outros produtos culturais en galego, como CDs, para a súa venda nestes “espazos culturais” a pé de rúa. Ao tempo dáselles emprego a persoas con discapacidade, obxectivo fundamental do grupo Galega de Economía Social, ao que pertence, e co que colabora COGAMI (Confederación Galega de persoas con discapacidade).

Ademais agora, á parte dos quioscos físicos asociados, hai tamén un “quiosco virtual”, un espazo dixital onde se realizará a venda de libros físicos e dixitais e outros produtos culturais como CDs.

Accedendo a esta ligazón

www.lonxadeletras.es

poderedes ver os produtos á venda e as distintas posibilidades de compra, dende a recepción directa no domicilio ata a recollida nalgún dos quioscos asociados, co que o transporte da encarga non tería custo adicional ningún.

A nosa cultura agora tamén a pé de rúa.