Alameda Rosalía de Castro

O pasado 25 de xaneiro o Pleno do Concello de Redondela aprobou por unanimidade denomina-la alameda de Chapela como Alameda Rosalía de Castro.

A iniciativa xurdiu dende o SNL, órgano dependente de Alcaldía, e respondeu á necesidade de homenaxear nun lugar público a unha das figuras máis senlleiras da cultura e da historia galegas.

Prevese que en xullo deste mesmo 2018 se instale unha escultura dedicada  a Rosalía de Castro e se realice algunha outra intervención na zona.

Venres Cativos

Neste ano 2018 o SNL organiza os Venres Cativos.

Cada venres final de mes haberá unha actuación dirixida ás crianzas e pensado como unha actividade máis do proxecto Apego.

Para o primeiro trimestre témo-lo seguinte calendario:

Sábado 20 de xaneiro: concerto inaugural a cargo da Banda dos Cueiros (Multiúsos da Xunqueira, ás 12h).

Venres 26 de xaneiro: teatro infantil O Lobo Bobo, recomendado para +3 anos (Multiúsos da Xunqueira, ás 18h).

Venres 23 de febreiro: teatro infantil A viaxe de Rosalía, recomendado para +5 anos (Multiúsos Piñeiral do Crego, Chapela, ás 18h).

Venres 30 de marzo: música-didáctica Letras e notas, recomendado para +3 anos (Multiúsos da Xunqueira, ás 18h).

Actividades a eito para a promoción do uso e adquisición da lingua de Galicia nas xeracións máis novas. 

Apego, premio da cultura galega 2017

 

O 12 de decembro o proxecto Apego recibiu o premio da Cultura Galega na modalidade de lingua. Un galardón que recoñece o traballo a prol do uso, mantemento e transmisión da lingua galega.

O Concello de Redondela, dende o seu Servizo de Normalización Lingüística, participa dende o inicio, sendo un dos municipios impulsores do proxecto.

Apego medra cada ano. Son máis os concellos galegos que se suman a esta iniciativa de carácter municipal.